*पॉझिट्व्ह अपडेट्स: रात्री. ८:०० वाजता*
*जिल्ह्यात आजपर्यंत २ हजार ३४० कोरोना रुग्णांना डिस्चार्ज;*
*सद्यस्थितीत १ हजार ५३६ रुग्णांवर उपचार सुरू*
*नाशिक, दि. ३० जून, २०२० (जिमाका वृत्तसेवा) :*
जिल्हा सामान्य रुग्णालयामार्फत आज प्राप्त अहवालानुसार जिल्ह्यातील २ हजार ३४० कोरोना बाधितांना डिस्चार्ज देण्यात आला असून रुग्ण पुर्णपणे बरे होण्याची टक्केवारी ५६.८८ इतकी आहे. सद्यस्थितीत १ हजार ५३६ रुग्णांवर उपचार सुरु आहेत. आत्तापर्यंत २३८ रुग्णांचा मृत्यू झाला आहे, अशी माहिती जिल्हा सामान्य रुग्णालयाचे निवासी वैद्यकीय अधिकारी डॉ. अनंत पवार यांनी दिली आहे.
*उपचार घेत असलेले पॉझिटिव्ह रुग्ण:*
नाशिक जिल्हा रूग्णालय ७८ , नाशिक महानगरपालिका १००४, डॉ. वसंतराव पवार वैद्यकीय महाविद्यालय १०६, मालेगांव महानगरपालिका क्षेत्रातून ७६, नाशिक ग्रामीण डी.सी.एच.सी. व सी.सी.सी. १९१, गृह विलगीकरण ८१ असे एकूण १ हजार ५३६ कोरोना बाधित रूग्णांवर उपचार सुरू आहेत.तसेच जिल्ह्यात आजपर्यंत ४ हजार ११४ कोरोनाबाधित रुग्ण आढळून आले आहेत.
*आज दाखल रुग्ण :*
आज जिल्ह्यात नव्याने नाशिक जिल्हा रूग्णालय १० , नाशिक महानगरपालिका १८२,
डॉ. वसंतराव पवार वैद्यकीय महाविद्यालय ०७, मालेगांव महानगरपालिका क्षेत्र १२, तर नाशिक ग्रामीण डी.सी.एच.सी. , सी.सी.सी. ९८ व गृह विलगीकरण ०० असे एकूण ३०९ संशयित रुग्ण दाखल झाले आहेत.
*रुग्ण बरे होण्याची टक्केवारी:*
नाशिक ग्रामीण मधून रुग्ण बरे होण्याचे प्रमाण ५८.७० टक्के, नाशिक महानगरपालिका क्षेत्रातून ४४.७६, मालेगाव मनपा मधून ७९. ०५ टक्के व जिल्हा बाहेरील ६२.९० टक्के इतके असून संपूर्ण जिल्ह्यात रुग्ण बरे होण्याचे प्रमाण ५६.८८ टक्के इतकी आहे.
*मृत्यु :*
नाशिक ग्रामीण ४७, नाशिक महानगरपालिका क्षेत्रातून १०५, मालेगांव महानगरपालिका क्षेत्रातून ७५ व जिल्हा बाहेरील ११ अशा एकूण २३८ रुग्णांचा मृत्यु झाला आहे.
*लक्षणीय :*
◼️४ हजार ११४ कोरोनाबाधित रुग्णांपैकी २ हजार ३४० रुग्ण पूर्णपणे बरे झाल्याने त्यांना डिस्चार्ज.
◼️सध्या जिल्ह्यात उपचार घेत असलेले १ हजार ५३६ पॉझिटिव्ह रुग्ण.
◼️आजपर्यंत निगेटीव्ह अहवालांची संख्या १६ हजार ५६७.
*(वरील आकडेवारी आज रात्री. ८.०० वाजता जिल्हा सामान्य रुग्णालयाकडून प्राप्त माहितीच्या आधारे नमूद करण्यात आली आहे.)*
