नाशिक : लाचलुचपत प्रतिबंधक विभागाने नाशिक तालुका पोलीस स्टेशन अंतर्गत विल्होळी पोलीस चौकीतील पोलीस हवालदार रवींद्र बाळासाहेब मल्ले आणि खाजगी इसम तरुण मोहन तोडी यांना लाच घेताना रंगेहाथ पकडले.
पोलिसांनी दिलेल्या माहितीनुसार, तक्रारदार यांच्या वाहनावर विल्होळी पोलीस चौकीत कारवाई करण्यात आली. तक्रारदार यांना वाहन सोडून देण्यासाठी पोलीस हवालदार मल्ले यांनी एक लाख रुपयांची मागणी केली. तक्रारदार यांनी पोलीस लाचलुचपत प्रतिबंधक विभागाकडे तक्रार केली.
लाचलुचपत प्रतिबंधक विभागाने तक्रारदार यांच्याशी सापळा रचून पोलीस हवालदार मल्ले यांना 35 हजार रुपये लाच घेताना रंगेहाथ पकडले. पोलिसांनी पोलीस हवालदार मल्ले यांच्यासह खाजगी इसम तरुण मोहन तोडी यालाही अटक केली आहे.
याप्रकरणी पोलीस हवालदार मल्ले आणि तरुण मोहन तोडी यांच्यावर महाराष्ट्र भ्रष्टाचार प्रतिबंधक कायदा (एमपीसीए) अंतर्गत गुन्हा दाखल करण्यात आला आहे.
लाचलुचपत प्रतिबंधक विभागाने सर्व नागरिकांना आवाहन केले आहे की, त्यांच्याकडे कोणत्याही शासकीय अधिकारी/कर्मचारी यांनी किंवा त्यांच्या वतीने कोणीही त्यांचे कोणतेही शासकीय काम करून देण्यासाठी, किंवा न करण्यासाठी अथवा ते काम करून दिल्याचे मोबदल्यात लाचेची मागणी केल्यास तात्काळ लाचलुचपत प्रतिबंधक विभाग,नाशिक येथे संपर्क करावा.
दुरध्वनी क्रमांक- 02532578230, टोल फ्री क्रमांक १०६४.