(प्रतिनिधि- आढाव सर- देवळा)
दहिवड, 26 ऑक्टोबर 2023 - देवळा तालुक्यातील शिंदओहोळ (दहिवड) मळा येथे एका शेतकऱ्याच्या जर्सी वासरीचा बिबट्या सदृश हिंस्र प्राण्याने फडशा पाडला. यात शेतकऱ्यांचे सुमारे 20 ते 25 हजार रुपयांचे नुकसान झाले आहे.
शेतकरी सुदाम शिवाजी भारती यांच्या शेतशिवारात घराजवळ बांधलेल्या जर्सी वासरीचा बिबट्याने काल रात्री फडशा पाडला. सकाळी शेतात आलेल्या शेतकऱ्यांनी वासरीचा मृतदेह पाहिला. या घटनेने परिसरात खळबळ उडाली आहे.
ग्रामस्थ व ग्रामविकास समिती अध्यक्ष संजय दहिवडकर यांनी वन विभागाला तातडीने बंदोबस्त करण्याची मागणी केली आहे.
वन विभागाने तातडीने बंदोबस्त करावा
या घटनेनंतर ग्रामस्थांनी वन विभागावर नाराजी व्यक्त केली आहे. वन विभागाने तातडीने बंदोबस्त केला नाही तर शेतकऱ्यांच्या जीविताला धोका निर्माण होईल, अशी भीती ग्रामस्थांनी व्यक्त केली आहे.
वन विभागाने या घटनेचा तातडीने आढावा घेऊन योग्य ती कारवाई करावी, अशी मागणी ग्रामस्थांनी केली आहे.
